scheduleबिहिवार आषाढ़ ७ गते, २०७५

विष्फोटमा परी एक बालकको मृत्यु सात सर्वसाधारण घाइते

जलालाबाद, अफगानिस्तान, ३० जेठ । अफगानिस्तानको पूर्वी प्रान्त नान्र्गाहारको प्रान्तीय राजधानी जलालाबाद शहरमा भएको विष्फोटनमा परी एक १० वर्षीय बालकको मृत्यु भएको छ ।

बुधबार भएको यस आक्रमणमा परी एक बालकको मृत्यु हुनुका साथै अन्य सात घाइते भएको प्रान्तीय सरकारकाद्वारा जारी विज्ञप्तिमा जनाइएको छ ।

स्थानीय समयानुसार बुधबार बिहान सानो एक पसलको अगाडि सो विष्फोट भएको बताइएको छ । घाइतेमध्ये चार बालबालिका र एक पसलका संस्थापकलाई शहरको क्षेत्रीय अस्पतालका सारिएको जानकारी दिइएको छ ।

यस आक्रमणको पछाडि कुन समूहको हात रहेको छ भन्ने बारेमा भने अहिलेसम्म केही प्रष्ट भएको छैन ।

अफगानिस्तानमा जारी द्वन्द्वमा सन् २०१७ मा तीन हजार ४३० व्यक्तिको मृत्यु भएको छ भने सात हजारभन्दा बढी व्यक्ति घाइते भएका अफगानिस्तानका लागि संयुक्त राष्ट्र संघीय मिसनले जानकारी दिएको छ ।

अफगानिस्तानमा तालिबान र अन्य आतङ्ककारी समूहको आक्रमणमा परी द्वन्द्वको ६५ प्रतिशत सर्वसाधारणको मृत्यु हुने गरेको छ । त्यसैगरी यस्ता आक्रमणमा २० सुरक्षा अधिकारीको ज्यान गएको छ ।
रासस/सिन्ह्वा

प्रतिकृया लेख्नुहोस्:

सम्बन्धित शीर्षकहरु

आजको लोकप्रिय

NTC
Vianet
Sajhajob